ការពារជំងឺបេះដូង ស្ទះសរសៃឈាម និងអាការឡើងឈាមបាន ដោយគ្រាន់តែទទួលទានភេសជ្ជៈធម្មជាតិមួយនេះ...! - នាទីសុខភាព

ចុងក្រោយ

Monday, June 5, 2017

ការពារជំងឺបេះដូង ស្ទះសរសៃឈាម និងអាការឡើងឈាមបាន ដោយគ្រាន់តែទទួលទានភេសជ្ជៈធម្មជាតិមួយនេះ...!


ថ្ងៃនេះយើងនឹងលើកឡើងនូវរូបមន្តធម្មជាតិមួយ ដែលជួយអ្នកឲ្យមានសុខភាពល្អ និងបង្កើនភាពស្វាហាប់រាងកាយទាំងមូល ឲ្យធន់នឹងជំងឺផ្សេងៗបាន ជាពិសេសគឺអាការផ្តាសាយ និងបញ្ហាទាក់ទងជាមួយសុខភាពបេះដូង។

រូបមន្តធម្មជាតិមួយនេះ ត្រូវបានអនុវត្តដោយជនជាតិអាល្លឺម៉ង់ជាយូរណាស់មកហើយ ព្រមទាំងជាភេសជ្ជៈសំបូរជាតិវីតាមីន ជាតិរ៉ែ និងសារធាតិចិញ្ចឹមសំខាន់ជាច្រើនផ្សេងទៀតផង។

ចង់ដឹងថា មានគ្រឿងផ្សំ និងរបៀបអនុវត្តយ៉ាងណានោះ សូមប្រិយមិត្តតាមដានការរៀបរាប់ ដូចខាងក្រោមនេះ ៖

អ្វីដែលអ្នកត្រូវការគឺមានតែ ក្រូចឆ្មារ ខ្ទឹមស និងខ្ញី តែប៉ុណ្ណោះ


អ្នកអាចទទួលទានចំនួនមួយកែវ មុនពេលទទួលទានអាហារពេលយប់ ២ ម៉ោងមុនជាប្រចាំ
# គ្រឿងផ្សំ មានដូចជា ៖

• ទឹកស្អាតចំនួន ២ លីត្រ

• ក្រូចឆ្មារយកទាំងសំបក ៤ ផ្លែ

• ខ្ទឹមស ចំនួន ៤ កំពឹស

• ខ្ញីទំហំប្រមាណជា ៤ សង់ទីម៉ែត្រ។

សូមអ្នកត្រូវចងចាំថា គ្រឿងផ្សំដែលអ្នកយកមកប្រើជាគ្រឿងផ្សំ ដែលធម្មជាតិពិតៗ ទើបអាចទទួលបានប្រសិទ្ធភាពខ្ពស់។

# របៀបអនុវត្ត ៖

• លាងក្រូចឆ្មារឲ្យស្អាត រួចកាត់វាជាចំណិតៗ

• លាង និងបកសំបកខ្ទឹមស និងខ្ញីឲ្យស្អាត

• យកគ្រឿងផ្សំទាំងនេះមកកិន ក្នុងម៉ាស៊ីនក្រឡុកឲ្យក្លាយជាល្បាយសព្វសាច់

• បន្ទាប់មកយកល្បាយទាំងនោះចាក់ចូលក្នុងឆ្នាំងមួយ រួចចាក់ទឹក ២ លីត្រចូល ដាំឲ្យពុះ

• បន្ទាប់ពីពុះហើយ ដាក់វាទុកចោលឲ្យត្រជាក់

• ស្រង់កាកចេញ យកតែទឹក ដាក់ចូលក្នុងដប រក្សាទុកក្នុងទូទឹកកក

• សម្រាប់ការទទួលទានវិញ គឺត្រូវក្រឡុកបន្តិចជាមុនសិន សឹមចាក់ទទួលទាន

• អ្នកអាចទទួលទានចំនួនមួយកែវ មុនពេលទទួលទានអាហារពេលយប់ ២ ម៉ោងមុន ជាការស្រេច៕



loading...