“អង្ករដំណើបខ្មៅ ទទួលបានការនិយមចូលចិត្តយ៉ាងខ្លាំងនៅទ្វីបអាស៊ីហើយឥឡូវនេះវានឹងជាកំពូលអាហារជួរមុខនៅទ្វីបអឺរ៉ុប” ពួកអ្នកវិទ្យាសាស្ត្រអាមេរិកឱ្យដឹង ។
ធញ្ញជាតិនេះមានបរិមាណស្ករទាប ប៉ុន្តែសម្បូរទៅដោយសារជាតិសរសៃដ៏មានប្រយោជន៍សម្រាប់សុខភាព និងមានសារជាតិរំញោចដែលអាចជួយប្រឆាំងតបនឹងជម្ងឺបេះដូង និងមហារីកនេះ បើតាមពួកជំនាញការបញ្ជាក់ឱ្យដឹង ។
ពួកអ្នកវិទ្យាសាស្ត្រនៅមហាវិទ្យាល័យរដ្ឋល្វីស្យាណា បានវិភាគគំរូអង្កាមរបស់ដំណើបខ្មៅដាំនៅភាគខាងត្បូងប្រទេសអាមេរិក ។ ពួកគេរកឃើញការកើនឡើងរបស់សារជាតិប្រឆាំងអុកស៊ីដរេដុកម្ម anthocyanin ។ សារជាតិប្រឆាំងអុកស៊ីដរេដុកម្មនេះគឺជាមូលហេតុបង្កើតពណ៌ត្នោតខ្មៅរបស់បន្លែផ្លែឈើច្រើនប្រភេទ ។ វាក៏បង្កើតពណ៌ក្រមៅឱ្យអង្ករដំណើបខ្មៅ ។
ការស្រាវជ្រាវបង្ហាញថា សារជាតិប្រឆាំងអុកស៊ីដរេដុកម្មបង្កើតពណ៌ក្រមៅនេះនឹង “បោស” សម្អាតពពួកម៉ូលេគុលដែលបង្កគ្រោះថ្នាក់ និងជួយការពារសរសៃឈាម ព្រមទាំងទប់ស្កាត់របួស AND ដែលអាចនាំដល់ជម្ងឺមហារីក ។
មុននេះរាប់សតវត្សរ៍ អង្ករដំណើបខ្មៅត្រូវបានចាត់ទុកជាអាហារខ្ពង់ខ្ពស់ដែលមានតែស្ដេចប៉ុណ្ណោះទើបបានបរិភោគ ។ បច្ចុប្បន្ននេះអង្ករដំណើបខ្មៅជាប្រភពអាហារសំខាន់ក្នុងពិធីស្រស់ស្រូបរបស់ប្រជាជនទ្វីបអាស៊ីក្នុងម្ហូបមី Sushi និងបង្អែមលាងមាត់ ។
អង្ករដំណើបខ្មៅសម្បូរវីតាមីនជាងអង្ករស ព្រោះវាមានបរិមាណវីតាមីន E និងពពួកសារជាតិប្រឆាំងអុកស៊ីដរេដុកម្មខ្ពស់ជាង ។
ពួកអ្នកវិទ្យាសាស្ត្រក៏ទូន្មានគួរប្រើប្រាស់អង្ករដំណើបខ្មៅធ្វើជាសារជាតិបង្កើតពណ៌អាហារ ដោយវាមានលក្ខណៈធម្មជាតិផង និងល្អចំពោះសុខភាពផង ។ តាមការស្រាវជ្រាវជាច្រើនបានឱ្យឃើញថា សារជាតិបង្កើតពណ៌មួយចំនួនរួមចំណែកបង្កជាជម្ងឺមហារីក និងបញ្ហាពាក់ព័ន្ធដល់ទង្វើរបស់កុមារ ៕
(ដកស្រង់ពីកាសែតរស្មីកម្ពុជា ថ្ងៃទី ៣១ ខែ សីហា ឆ្នាំ ២០១០)
បរិភោគក្រូចថ្លុងជួយព្យាបាលជម្ងឺទឹកនោមផ្អែម
ពួកអ្នកវិទ្យាសាស្ត្រនៅមហាវិទ្យាល័យ Hebrew (អ៊ីស្រាអែល) និងមន្ទីរពហុព្យាបាលម៉ាសាជូសេត (អាមេរិក) ឱ្យដឹងថា ការបរិភោគក្រូចថ្លុងអាចជួយព្យាបាលជម្ងឺទឹកនោមផ្អែម ។ នោះគឺដោយសារ Naringenin សារជាតិប្រឆាំងអុកស៊ីដរេដុកកម្មមាននៅក្នុងផ្លែក្រូចថ្លុង និង ពពួកផ្លែឈើមានរសជាតិជូរដទៃទៀត ដូចជាក្រូចឃ្វិច អាចជួយថ្លើមដុតបញ្ឆេះបរិមាណខ្លាញ់សល់ ។ ទន្ទឹមនឹងនោះ វាអាចជួយកែប្រែឱ្យល្អនូវដំណើរត្រួតពិនិត្យបរិមាណស្ករក្នុងឈាម ។ ពួកអ្នកជំនាញការសង្ឃឹមថា នេះអាចក្លាយជាវិធីសាស្ត្រដ៏សំខាន់ក្នុងការព្យាបាលរោគខ្លាញ់ក្នុង ឈាមខ្ពស់ ជម្ងឺទឹកនោមផ្អែមប្រភេទ២ ។ ការស្រាវជ្រាវនេះត្រូវបានប្រកាសលើទស្សនាវដ្ដីជំនាញ Plos One របស់អាមេរិក ៕
(ដកស្រង់ពីកាសែតរស្មីកម្ពុជា ថ្ងៃទី ៣១ ខែ សីហា ឆ្នាំ ២០១០)
ចំណុចគួរយល់ដឹងទាក់ទងនឹងសុខភាព
- គួរនិយាយទូរស័ព្ទនៅត្រចៀកខាងឆ្វេង
- ហាមពិសារកាហ្វេ ២ ដងក្នុងមួយថ្ងៃ
- ហាមលេបថ្នាំនឹងទឹកត្រជាក់
- ហាមពិសារអាហារច្រើនលើសលប់ក្រោយពេលម៉ោង ៥ល្ងាច
- កាត់បន្ថយអាហារដែលមានជាតិខ្លាញ់ច្រើន
- ផឹកទឹកឲ្យបានច្រើននៅពេលព្រឹក និងផឹកតិចតួចនៅពេលយប់
- ត្រូវដាក់ឧបករណ៍សាកថ្មទូរស័ព្ទនៅឲ្យឆ្ងាយពីខ្លួនរបស់អ្នក
- ហាមប្រើប្រាស់ប្រដាប់ស្តាប់តន្រ្តីក្នុងត្រចៀកយូរពេក
- កំឡុងពេលគេងដែលល្អបំផុតគឺពីម៉ោង ១០យប់ ដល់ ម៉ោង ៦ព្រឹក
- កុំទំរេតខ្លួនភ្លាមៗក្រោយពេលលេបថ្នាំមុនពេលចូលដំណេក